काठमाडौं । ललितपुरको च्यासल नजिकैको दोभान पुलबाट एक युवती बागमती नदीमा हामफालेकी छन् । आइतबार साँझ रुकुम पश्चिमको मुसीकोट घर भएकी २० वर्षीय अञ्जली शर्मा नदीमा हामफालेकी हुन् ।
वर्षापछि बाढीले उर्लिएको नदीमा हामफालेसँगै उनी बेपत्ता भएको जिल्ला प्रहरी परिसर ललितपुरले जनाएकाे छ । बेपत्ता शर्माको खोजी कार्य चलिरहेको प्रहरीले जनाएकाे छ ।
पुलभन्दा ठीक मुनी एउटा ‘सुसाइड नोट’ र झोला फेला परेको छ । उक्त नोट युवतीकै हो या होइनन भन्नेबारे पुष्टि भइनसकेको प्रहरीले जनाएकाे छ ।
