काठमाडौं । कर्णाली राजमार्ग ४ दिनपछि एकतर्फी सञ्चालनमा आएको छ । १२ भदौमा पहिरोले अवरुद्ध भएको कर्णाली राजमार्ग आइतबार दिउँसो २ बजेबाट एकतर्फी खुला भएको हो । 

१२ भदौका दिन सुर्खेत–जुम्ला सडक (कर्णाली राजमार्ग) अन्तर्गत शुभकालिका १ गगने खोला, जितेगडा, कालेखोला, दहीखोला लगायत स्थानमा पहिरो जाँदा कर्णाली राजमार्ग पूर्ण रूपमा अवरुद्ध भएको थियो । यसले सो भेगको यातायात र ढुवानी सेवा प्रभावित बनेको थियो ।