काठमाडौं । चितवनको मुग्लिन–नारायणगढ सडकखण्डमा गुडिरहेको कारमाथि ढुंगा खसेको छ । ईच्छाकामना गाउँपालिका–५ अन्तर्गत पर्ने सडकखण्डको तीन नम्बर पुल नजिकै मुग्लिङबाट नारायणगढतर्फ आउँदै गरेको बीएडी ८३२२ नं.को कारमा बिहान ८ बजेको समयमा माथिबाट ढुंगा खसेको हो ।
कारमाथि ढुंगा खस्दा कारमा सामान्य क्षति पुगेको छ । कार भरतपुर महानगरपालिका२ बस्ने सन्तोष कचिलाले चलाइरहेका थिए । अहिले सडक सञ्चालनमा छ ।
उक्त क्षेत्रमा हिजो रातीदेखि नै पानी परिरहेका कारण प्रहरीले सहजताका साथ यात्रा गर्न अनुरोध गरेको छ ।
