काठमाडौं । वलपुरको गैडाकाेट नगरपालिका वडा नम्बर १ मा रहेको मौलाकालीका केबलकारको निर्माणाधीन भवनबाट लडेर एक जना मजदुरको मृत्यु भएको छ ।
जिल्ला प्रहरी कार्यालय नवलपुरका अनुसार बारा जिल्लाको जितपुर उपमहानगरपालिका २० ईनरवा बसडिलुवाका २२ वर्षीय युवक गोरख राउत कुर्मीको चार तला माथिबाट खसेर मृत्यु भएको हो ।
प्रहरीका अनुसार कुर्मीले निर्माणाधीन भवनमा मार्बलको काम गर्थे । कुर्मीको शव पोष्टमार्टमका लागि भरतपुर सरकारी अस्पताल पठाइएको प्रहरीले जनाएको छ ।
