काठमाडौं । काठमाडौंमा दुई समूहबीच झडप हुँदा एक युवाको मृत्यु भएको छ भने अन्य ६ जना घाइते भएका छन् । काठमाडौं महानगरपालिका–१७ पोडेटोलस्थित २ नम्बर गल्लीमा भएको झडपमा परी वर्ष ३३ का अनित पुजारीको ज्यान गएको जिल्ला प्रहरी परिसर, काठमाडौंले जनाएकाे छ ।
उक्त घटनामा स्थानीय सुबिन्द्र पोडे, किरण पुजारी, दिनेश पुजारी, माया पुजारी, विक्रम पुजारी र अमृत पुजारी घाइते भएका छन् ।
छिमेकी–छिमेकीबीच विवाद हुँदा घटना भएको बताइएको छ । धारिलो हतियार प्रहारपछि गम्भीर घाइते भएका अनितको पछि मृत्यु भएको हो ।
घाइतेहरूको शिक्षण अस्पताल, राष्ट्रिय ट्रमा सेन्टर र पिपुल्स अस्पतालमा उपचार भइरहेको छ ।
घटनामा संलग्न रहेको आरोपमा प्रहरीले ७ जनालाई पक्राउ गरेको छ ।
