काठमाडौं । ललितपुरमा थप दुई जनामा हैजा संक्रमण पुष्टि भएको छ । टेकु अस्पतालका अनुसार केही दिन अघि हैजा पुष्टि भएको ललितपुरकाे पुनर्स्थापना केन्द्रका नै थप दुई जनामा हैजा पुष्टि भएको हो ।
तीन जनाको नमुना पठाउँदा दुई जनाको पोजेटिभ आएको छ ।
उनीहरू पनि हैजाको संक्रमण हुनसक्ने आशंकामा टेकु अस्पताल भर्ना भएका थिए । तर उनीहरू पछि आफैं अस्पतालबाट भागेका थिए ।
यीसहित हैजा पुष्टि हुनेको संख्या तीन पुगेको छ ।
