काठमाडौं । अवैध रूपमा चीनतर्फ लैजान लागेको २० हजार अमेरिकी डलरसहित रसुवाबाट एक जना पक्राउ परेका छन् ।
पक्राउ पर्नेमा आमाछोदिङमो गाउँपालिका- ५ पाजुङका २२ वर्षीय नुर्पु तामाङ छन् । उनलाई मंगलबार बिहान पक्राउ गरिएको प्रहरीले जनाएको छ ।
इलाका प्रहरी कार्यालय टिमुरे, प्रहरी चौकी रसुवागढी, सशस्त्र प्रहरी बल र रसुवा भन्सार कार्यालयबाट खटिएको संयुक्त टोलीले उनलाई पक्राउ गरेको हो ।
गोसाइँकुण्ड गाउँपालिका- २ रसुवागढी नाकामा चेकजाँच गर्ने क्रममा नेपालबाट चीनतर्फ पैदल जाँदै गरेका उनलाई १ सय दरका २ सय थान अमेरिकी डलरसहित पक्राउ गरिएको हो ।
थप अनुसन्धान भइरहेको प्रहरीले जनाएको छ ।
