काठमाडौं । चिनीको मूल्य बढेको छ । नेपाल खुद्रा व्यापार संघले सार्वजनिक गरेको विवरण अनुसार चिनी प्रतिकिलो ३ रूपैयाँले बढेको हो । 

संघले १५/१५ दिनमा खाद्यान्नको मूल्य सार्वजनिक गर्दै आएको छ । संघले सार्वजनिक गरेको चैत १ गतेको तथ्यांक अनुसार बजारमा चिनी एक सय दुई रूपैयाँ कारोबार भइरहेको थियो। 

चैत १५ को तथ्यांकअनुसार बजारमा चिनीको खुद्रा मूल्य प्रतिकिलो एक सय पाँच रूपैयाँ पुगेको छ। संघले सार्वजनिक गरेको मूल्य अधिकतम मूल्य हो।