काठमाडौं । जिल्ला प्रशासन कार्यालय, काठमाडौंले यसअघि जारी कर्फ्यू आदेश हटाएको जानकारी दिएको छ ।
शुक्रबार काठमाडौं महानगरपालिकाको बानेश्वर तिनकुने क्षेत्रमा लागू भएको कर्फ्यू शनिबार (आज) बिहान ७ बजेसम्म तोकिएको थियो ।
यो क्षेत्रमा आवतजावत, भेला, जुलुस र सभा गर्न नपाउने नियम थियो। प्रमुख जिल्ला अधिकारी ऋषिराम तिवारीका अनुसार आवस्था सामान्य भएसँगै यो आदेश आज बिहान ७ बजेदेखि स्थगन गरिएको छ ।
