काठमाडौं । सुनको मूल्यले नयाँ रेकर्ड कायम गरेको छ । आज छापावाला सुनको मूल्य प्रतितोला १ लाख ७६ हजार २ सय रुपैयाँमा कायम भएको नेपाल सुनचाँदी महासंघले जनाएको छ ।यो भाउ हालसम्मकै उच्च हो ।
विहीबार प्रतितोला १ लाख ७४ हजार ८ सय रुपैयाँमा कारोबार भएको सुनको मूल्य आज १ हजार ४ सय रुपैयाँले बढेर प्रतितोला १ लाख ७६ हजार २ सय रुपैयाँमा कायम भएको महासंघले जनाएको छ ।
चैत ७ गते कायम उचाई १ लाख ७६ हजार रुपैयाँको उचाईलाइै ब्रेक गर्दै नयाँ उचाई बनाएको हो ।
आज चाँदीको प्रतितोला २० रुपैयाँले बढेर २ हजार ४० रुपैयाँ कायम महासंघले जनाएको छ । हिजो चाँदी प्रतितोला २ हजार २० रुपैयाँमा कारोबार भएको थियो ।
