काठमाडौं । विस्फोटक पदार्थ पड्किँदा पाल्पामा एक जनाको मृत्यु भएको छ । तिनाउ गाउँपालिका-२ दोभानमा विस्फोटक पदार्थ पड्किँदा सोही स्थानका २८ वर्षीय सुरज सोमैको मृत्यु भएको हो ।
सडकमा मदन सोमैको घर पछाडि आँगनमा सलाईको काटीबाट माछा मार्न विस्फोटक पदार्थ बनाउने क्रममा अचानक विस्फोटन हुँदा उनको मृत्यु भएको प्रहरीले जनाएको छ ।
विस्फोटक पदार्थ अचानक पड्किँदा घाइते भएका उनको उपचारका क्रममा बुटवल हस्पिटलमा मृत्यु भएको हो ।
