काठमाडौं । कञ्चनपुरबाट ११ ग्राम खैरो हेरोइनसहित २ जना भारतीय नागरिकलाई पक्राउ परेका छन् ।
जिल्ला प्रहरी कार्यालय र लागुऔषध नियन्त्रण ब्युरो शाखा कार्यालय महेन्द्रनगरको संयुक्त टोलीले भीमदत्त नगरपालिका–४ बजारबाट ११.८३ मिलीग्रामसहित २ जनालाई पक्राउ गरेको हो ।
पक्राउ पर्नेमा भारतको उत्तराखण्डको उधमसिंहनगर खटिमा बस्ने सलमान शाह र प्रभजोत सिंह खिडा रहेको प्रहरीले जनाएको छ ।
उनीहरू दुवै जनालाई नियन्त्रणमा राखेर अनुसन्त्रान भइरहेको छ ।
