काठमाडौं । कमेडी च्याम्पियनबाट चर्चामा आएका गायक तथा कमेडियन हिक्मत महराको मोटरसाइकल दुर्घटनामा परी निधन भएको छ । कञ्चनपुरको शुक्लाफाँटा नगरपालिका–११ कलुवापुरका ३० वर्षीय हिक्मत महरा दुर्घटनामा परेका हुन् ।
महरा स्ट्यान्डअप कमेडी रियालिटी शो ‘कमेडी च्याम्पियन’ शीर्ष ४ मा पुगेका थिए । रियालिटी शोमा दिएको प्रस्तुतिले उनी चर्चामा आएका थिए ।
उनै उदीयमान कमेडियन महराको दुर्घटनामा निधन भएको हो । महराले चलाएको मोटरसाइकल कैलालीको गोदावरी नगरपालिका–४ मा दुर्घटनामा परेको थियो ।
