काठमाडौं । सुनचाँदी बजारमा आज छापावाला सुनको मूल्य २ हजार रुपैयाँले बढेको छ । बुधबार छापावाला सुनको मूल्य प्रतितोला १ लाख ५४ हजार २ सय रुपैयाँमा कायम भएको नेपाल सुनचाँदी व्यवसायी महासंघले जनाएको छ ।
मंगलबार प्रतितोला १ लाख ५२ हजार २ सय रुपैयाँमा कारोबार भएको सुनको मूल्य आज २ हजार रुपैयाँले बढेर १ लाख ५४ हजार २ सय रुपैयाँमा कायम भएको महासंघले जनाएको छ ।
आज चाँदीको मुल्य भने यथावत रहेको छ । आज चाँदी प्रतितोला १ हजार ९ सय २५ रुपैयाँमा कायम भएको छ भने अघिल्लो कारोबार दिन मंगलबार पनि चाँदी सोही रकममा कारोबार भएको थियो ।
