काठमाडौं । दोलखाको गौरीशंकर गाउँपालिकाको उपाध्यक्षमा नेकपा माओवादी केन्द्रलाई पछि पार्दै नेकपा एमालेले अग्रता लिएको छ । यसअघि माओवादी केन्द्रका उम्मेदवार निम लेकी शेर्पाले अग्रता कायम राखिरहेकी थिइन् ।
पछिल्लो परिणाम अनुसार नेकपा एमालेकी उम्मेदवार उमा लुङ्गेली मगर शेर्पाले अग्रता बनाएकी छिन् । गौरीशंकरमा एमालेकी उमाले १ हजार ९ सय ७२ मत प्राप्त गरेकी छिन् । त्यस्तै, माओवादी केन्द्रकी उम्मेदवार निम लेकीले भने १ हजार ९ सय ६ मत प्राप्त गरेकी छिन् । उनीहरूबीचको मतान्तर ६६ मतको छ ।
नेपाली कांग्रेसकी उम्मेदवार पासखिकी तामाङले भने १ हजार २ सय ८१ मत प्राप्त गरेकी छिन् ।
