काठमाडौं । रामप्रसाद घिमिरे सचिवमा बढुवा भएका छन् । आइतबार साँझ प्रधानमन्त्री निवास बालुवाटारमा बसेको मन्त्रिपरिषद बैठकले प्राविधिकतर्फका सहसचिव घिमिरेलाई सचिवमा बढुवा गरेको हो ।
शहरी विकास मन्त्रालयका सचिव मणिराम गेलालले अवकास पाएपछि घिमिरे सचिवमा बढुवा भएका हुन् ।
सचिव बढुवाका लागि दोस्रो नम्बरमा सिफारिस भएका घिमिरे हाल खानी विभागको महानिर्देशक थिए ।
बढुवा सिफारिस समितिले पहिलो नम्बरमा शिक्षा, विज्ञान तथा प्रविधि मन्त्रालयका सहसचिव दिनानाथ मिश्र र तेस्रो नम्बरमा बुढी गण्डकी जलविद्युत आयोजनाको आयोजनाका प्रमुख मधुप्रसाद भेटवाल पनि सिफारिस गरेको थियो ।
मंसिरको मसान्तमा अवकास हुन लागेका घिमिरे सचिवमा बढुवा भएका हुन् ।
