उदयपुर । स्थानीय तह उपनिर्वाचन अन्तर्गत उदयपुरको बेलका नगरपालिका –९ र त्रियुगा नगरपालिका– १२ मा मतदान शान्तिपूर्ण रूपमा सम्पन्न भएको छ । उदयपुरका प्रमुख जिल्ला अधिकारी हरिप्रसाद घिमिरेकाअनुसार, बेलका नगरपालिका –९ मा तीन हजार १३६ मतदाता रहेकोमा एक हजार ८ सय ८५ मत अर्थात् (६०.६३ प्रतिशत) मत खसेको छ । त्यसैगरी त्रियुगा नगरपालिका– १२ मा तीन हजार ८४७ मतदाता रहेकोमा २५ सय २७ मत अर्थात (६५.६९ प्रतिशत) खसेको छ ।
उपनिर्वाचन सम्पन्न भएसँगै सर्वदलीय बैठक बसी आजै मत गणनाको कार्य सुरु गरिने निर्वाचन कार्यालयले जनाएको छ ।
