काठमाडौं । सामाजिक सञ्जालमा एक महिलाको चरित्र हत्या गरेको आरोपमा एक जना युवक पक्राउ परेका छन् । पक्राउ पर्नेमा नुवाकोट शिवपुरी गाउँपालिका १ का ३८ वर्षीय सुरेन्द्र केसी रहेका छन् ।
उनीलाई बुधबार पक्राउ गरेको जनाएको छ । भिडियो कल गर्ने क्रममा युवतीलाई गोप्य अंग देखाउन लगाइ रेकर्ड गरेर पीडित र पीडितका आफन्तलाईसमेत पठाएर अपमान र बेइज्जत गरेको प्रहरीले जनाएको छ ।
पक्राउ परेका केसीलाई विद्युतीय कारोबार ऐन, २०६३ अन्तर्गतको कसूरमा जिल्ला अदालत काठमाडौंबाट ५ दिनको म्याद थपेर अनुसन्धान गरिरहेको जानकारी दिएको छ ।
