काठमाडौं । नेपाल–भारत सीमामा एक नेपाली युवकको शव फेला परेको छ । बरियारपट्टी गाउँपालिका–३ स्थित नेपाल भारत सीमामा मंगलबार बिहान ३२ वर्षीय भुला यादवको शव फेला परेको हो ।
प्रहरीले शवको मुचुल्का गरी पोस्टमार्टमका लागि सिरहास्थित प्रादेशिक अस्पताल पठाएको छ ।
घटना विषयमा थप अनुसन्धान कार्य भइरहेको जिल्ला प्रहरी कार्यालय, सिरहाले जनाएको छ । स्थानीयका अनुसार, उनी सोमबार साँझ घरबाट निस्केका थिए ।
उनी लागूऔषध सेवन गर्न भारत गएको र फर्किने बेला ओभर डोज भएर मृत्यु भएको हुनसक्ने स्थानीयको अनुमान छ ।
