काठमाडौं । तनहुँको आबुखैरेनी गाउँपालिका–२ ऐना पहराबाट मर्स्याङ्दीमा खसेको बस सोमबार निकालिने भएको छ । बस निकाल्न ठुला उपकरण प्रयोग गर्नुपर्ने भन्दै स्थानीय प्रशासनले भदौ १० मा बिहान साढे ६ बजेबाट १० बजेसम्म पृथ्वी राजमार्गको सो खण्ड बन्द गर्ने निर्णय गरिएको छ ।
पृथ्वी राजमार्गको ऐनपहरा खण्ड बिहान १० बजेसम्म बन्द गरिने जिल्ला प्रशासन कार्यालय तनहुँले जनाएकाे छ । भदौ ७ मा भारतीय नम्बर प्लेट–७६२३ नम्बरको बसमा सवार २७ जना भारतीय नागरिकको मृत्यु भएको थियो । दुर्घटनामा परेका घाइतेहरूको त्रिवि शिक्षण अस्पतालमा उपचार हुँदैछ ।
