काठमाडौ । नेपाल प्रहरीका ७ जना डीआईजीको सरुवा भएको छ । गृहमन्त्री स्तरीय निर्णयका आधारमा आइतबार प्रहरी प्रधान कार्यालयले सात डिआइजीको सरुवा गरेकाे हो ।
जसअनुसार डीआईजी ईश्वर कार्कीको कोशी प्रदेश प्रहरी कार्यालयमा सरुवा भएको छ । यस्तै उमा प्रसाद चर्तुर्बेदीको मधेस प्रदेश प्रहरी कार्यालय, अरुण पौडेलको बागमती प्रदेश प्रहरी कार्यालयमा सरुवा भएको छ ।
त्यसैगरी दिनेश कुमार आचार्य गण्डकी प्रदेश प्रहरी कार्यालय, राजेन्द्र प्रसाद भट्टको लुम्बिनी प्रदेश प्रहरी कार्यालयमा सरूवा भएको छ । त्यस्तै डम्बर बहादुर बिकको सुदूर पश्चिम प्रहरी कार्यालय र गोबिन्द थपलियाको केन्द्रीय अनुसन्धान ब्युरोमा सरुवा भएको प्रहरी मुख्यालयकाे सूचनामा उल्लेख छ ।
यधपी एक महिनादेखि प्रमुख बिहिन भएकाे कर्णाली प्रदेशमा भने याे सरूवामा पनि डिआइजी पठाइएको छैन ।
