काठमाडौं । कालीगण्डकी नदी स्नान गरेर टिकटक बनाउने क्रममा बगेर एक महिला बेपत्ता भएकी छिन् ।
पर्वतको कुश्मा नगरपालिका–५ मोदीवेणीमा रहेको कालीगण्डकी नदी किनारमा स्नान गरेर फर्किने क्रममा भिडियो खिच्न लाग्दा पर्वतको महाशिला गाउँपालिका–५ घर भई पोखरा बस्ने ३५ वर्षीया विष्णु पन्त चिप्लिएर लड्दा नदीमा खसेकी थिइन् । बेपत्ता पन्तको खोजी भइरहेको प्रहरीले जनाएको छ ।
पन्तसँगै उनका दिदी र दुई छोरा पनि गएका थिए । उनीहरू भने सकुशल फर्किएका छन् ।
