काठमाडौं । जिल्ला अदालत काठमाडौंको फैसला बदर गर्दै उच्च अदालत पाटनले करणी मुद्दामा सफाइ दिएपछि न्यायाधीश भुवन गिरी जेलमुक्त भएका छन् ।
श्रीमतीलाई जबरजस्ती करणी गरेको अभियोगमा काठमाडौं जिल्ला अदालतका न्यायाधीश दुर्गाप्रसाद भुसालको इजलासले गत जेठ २९ गते सात वर्ष कैद र तीन लाख रुपैयाँ जरिवाना तिराउन फैसला गरेको थियो ।
उक्त फैसलाविरुद्ध परेको पुनरावेदनमा आइतबार उच्च अदालतका न्यायाधीशहरू लालबहादुर कुँवर र डिल्लीरत्न श्रेष्ठको इजलासले उल्ट्याएको हो ।
अदालतको आदेश औपचारिक रुपमा पाएपछि निलम्बित न्यायाधीश गिरी सोमबार बिहान कारागार कार्यालय डिल्लीबजारबाट छुटेका हुन् ।
