काठमाडौं । आइतबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३ सय रुपैयाँले बढेको हो ।
तोलामा ३ सय रुपैयाँले बढेसँगै आज छापावाल सुन प्रतितोला १ लाख ७० हजार ३ सय रुपैयाँमा कारोबार भइरहेको छ । गत शुक्रबार सुन तोलामा १ लाख ७० हजार रुपैयाँ कायम भएको थियो ।
आज चाँदीको भाउ तोलामा २० रुपैयाँले घटेको छ । यससँगै आज चाँदी तोलामा १ हजार ९७० रुपैयाँ कायम भएको छ । गत शुक्रबार चाँदी १ हजार ९९० रुपैयाँमा किनबेच भएको थियो ।
