काठमाडौं । शिवरात्रिका अवसरमा पशुपतिनाथ मन्दिर परिसरमा निःशुल्क सेवा दिन चाहनेका लागि आवदेन खुलेको छ ।
पशुपति क्षेत्र विकास कोषले सूचना प्रकाशित गरी फागुन १४ गते परेको शिवरात्रिमा निःशुल्क सेवा दिन चाहने व्यक्ति तथा संस्थासँग आवेदन माग गरेको हो ।
निःशुल्क स्वयंसेवा, चिया, पानी तथा भोजन वितरण, स्वास्थ्य शिविर सञ्चालन गर्न चाहनेले यस्तो निवेदन दिन सक्ने भएका छन् । व्यक्ति तथा संस्थाले ११ फागुन आइतबारभित्र कोषमा बुझाउन सक्नेछन् ।
शिवरात्रिका दिन निःशुल्क बाहेक व्यावसायिक हिसाबले शुल्क लिई भोजन, चिया नास्ता बिक्री वितरणमा भने रोक लगाइएको छ ।
