काठमाडौं । सरकारले अर्थ सचिव परिवर्तन गरेको छ। सोमबार बसेको मन्त्रिपरिषद् बैठकले अर्थसचिव डा. रामप्रसाद घिमिरेको सरुवा गरेको हो ।
निर्णय अनुसार अर्थ मन्त्रालयको सचिवमा अख्तियार दुरुपयोग अनुसन्धान आयोगमा कार्यरत घनश्याम उपाध्यायलाई ल्याइएको छ।
त्यस्तै अर्थमन्त्रालयका सचिव घिमिरेलाई राष्ट्रपति कार्यालयमा सरुवा गरिएको छ । राष्ट्रपति कार्यालयका सचिव नारायणप्रसाद दुवाडीलाई अख्तियारमा पठाइएको छ ।
साथै, मन्त्रिपरिषद बैठकले रिक्त एक सचिव पदमा लुम्बिनी प्रदेशका कामु सचिव बाबुराम अधिकारीलाई बढुवा गरेको छ ।
