वासिङ्टन डिसी । अमेरिकाको वासिङ्टन डिसीमा बिहीवार स्थानिय समय अनुसार राति ९ बजे भएको यात्रुवाहक विमान तथा सैन्य हेलिकप्टर एकआपसमा ठोक्किएर आकाशमै भएको भिषण दुर्घटनामा कुनै पनि यात्रु जीवित नभेटिएको अधिकारीहरुले पुष्टि गरेका छन् । आकाशमै ठोक्किएको विमान बरफलेढाकिएफिलो पोटोम्याक नदीमा खसेको दुर्घटनामा कोही पनि जीवित नरहेको सम्भावना रहेको बताएका छन् ।
‘हामी अहिले उद्धार कार्यबाट शव निकाल्ने कार्यमा रूपान्तरण भइरहेका छौं’, वासिङ्टन दमकल प्रमुख जोन डोनेलीले रेगन राष्ट्रिय विमानस्थलमा आयोजित पत्रकार सम्मेलनमा भनेका छन्– ‘अहिले आएर हामी त्यहाँ कोही बाँचेको छ भन्ने विश्वास गर्दैनौँ ।’
डोनेलीले हेलिकप्टरबाट एकसहित २८ वटा शव निकालिएको जानकारी दिएका छन् । दुर्घटनास्थलमा बिहान शक्तिशाली आर्क बत्तीहरू भएका आपत्कालीन जहाजहरू तथा गोताखोर टोलीसहितका इन्फ्लेटेबलहरू नदीको विस्तृत क्षेत्रमा आवतजावत गरिरहेको देखिएको थियो ।
डोनेलीका अनुसार अपरेसनमा तीन सय प्रथम प्रतिक्रियाकर्ताहरू संलग्न थिए र धेरैजसो पूर्ण अँध्यारोमा सञ्चालन गरिएको थियो । ‘यी प्रतिक्रियाकर्ताहरूले अत्यन्त चिसो अवस्था, भारी हावा, पानीमा बरफ भेटे र तीनै अवस्थामा रातभरि काम गरे’, उनको भनाइ छ ।
यातायात अधिकारीहरूले दुवै विमान स्पष्ट रात र राम्रो दृश्यतामा मानक उडान ढाँचामा रहेको बताए तापनि दुर्घटनाको कारणबारे कुनै विवरण दिइएको छैन । ‘मलाई के लाग्छ यो दुर्घटनालाई रोक्न सकिने थियो, निश्चित रूपमा’, यातायातमन्त्री सीन डफीले भनेका छन् ।
एयर ट्राफिक कन्ट्रोलरहरूको नाटकीय अडियोले उनीहरूलाई हेलिकप्टरलाई यात्रु जेट ‘दृष्टिमा’ छ कि छैन भनेर बारम्बार सोध्दै र त्यसपछि दुर्घटना हुनुभन्दा ठीकअघि विमानलाई ‘पछाडिबाट जान’ भनेको सुनिएको छ । ‘मैले एउटा आगोको गोला मात्र देखेँ र त्यो हरायो’, हेलिकप्टरसँगको सञ्चार टुटेपछि एक ट्राफिक कन्ट्रोलरले अर्कोलाई भनेको सुनिएको थियो । दुवै विमान पोटोम्याक नदीमा खसे र यात्रुवाहक विमानको फ्युजलेज उल्टो भएर तीन भागमा टुक्रिएको थियो ।
युएस फिगर स्केटिङले उडानमा केही खेलाडी, प्रशिक्षक र अधिकारीहरू रहेको बताएको छ भने मस्कोका अधिकारीहरूले सन् १९९४ को विश्व जोडी शीर्षक जित्ने विवाहित रूसी जोडी इभजेनिया सिस्कोभा र भादिम नाउमोभ विमानमा रहेको पुष्टि गरेका छन् ।
६० यात्रु तथा चार चालक दलका साथ अमेरिकन एयरलाइन्सको सहायक कम्पनीले सञ्चालन गरेको बोम्बार्डियर विमान विचिता, कान्सासबाट उडान गरेपछि राति ९ः०० बजे रेगन राष्ट्रिय विमानस्थल नजिक पुगेको थियो ।
अमेरिकी सेनाका अधिकारीहरूले संलग्न हेलिकप्टर तीन सैनिक बोकेको ‘प्रशिक्षण उडान’ मा रहेको ब्ल्याक हक भएको बताए । त्यस्तै विमानको ब्ल्याक बक्स फेला परेको अधिकारीहरूले बताएका छन् । नदीमा हराइरहेका यात्रु खोजीका क्रममा विमानका फ्लाइट डाटा रेकर्डर र ककपिट भ्वाइस रेकर्डर भेटिएको हो।
