काठमाडौं । चालु आर्थिक बर्ष २०८०/८१ को ६ महिनामा १६ अर्ब ७१ करोडको स्मार्ट फोन आयात भएको छ । भन्सार विभागका अनुसार पुस मसान्तसम्ममा १६ लाख ७१ करोड ३९ लाख ३० हजार रुपैयाँ बराबरको ११ लाख ११ हजार ५ सय ५६ थान स्मार्ट फोन नेपाल भित्रिएको जनाएको हो।
उक्त फोन आयात गर्दा सरकारले ३ अर्ब ११ करोड रुपैयाँ भन्सार महसुल संकलन गरेको छ । नेपालमा पछिल्लो ६ महिनामा भित्रिएको तथ्यांकअनुसार मासिक औसत २ अर्ब ७८ करोड ५६ लाख रुपैयाँको मोबाइल आयात भएको देखिएको छ ।
मोबाइल आयातको तथ्यांक घटेको छ भने मूल्य बढेको छ । पछिल्लो ६ महिनामा ११ लाख वटा १६ अर्बको मोबाइल आयात भएको छ । यस्तो आयात औसतमा १५ हजार रुपैयाँका छन् ।
नेपालीले महँगा मोबाइल बोक्न थालेका कारण पछिल्लो ६ महिनामा नै अस्वाभाविक आयात भएको देखिएको हो ।
