काठमाडौं । ललितपुरको फूलचोकी जंगलमा हराएका १३ युवायुवती प्रहरीको सम्पर्कमा आएका छन् । घुम्न गएका बेला बाटो भुलेर जंगलमा हराएका उनीहरू सोमबार रातितिर प्रहरीको सम्पर्कमा आएको एसएसपी शेखर खनालले जानकारी दिए ।
उनीहरू १३ जना नै सम्पर्कमा आएका छन् । उनीहरूलाई ल्याइँदै छ । सबैलाई परिवारको जिम्मा लगाउँछौँ, एसएसपी खनालले भने ।
खनालका अनुसार, उनीहरूले प्रहरी १०० मा फोन गरेर आफूहरू जंगलमा अड्किएको सूचना गरेका थिए । सूचना पाएलगत्तै खोजीकार्यका लागि ललितपुर प्रहरीको टोली खटिएको थियो ।
