काठमाडौं । वेस्ट इन्डिज विरुद्ध नेपालले ४ विकेटको जित हाँसिल गरेको छ । वेस्ट इन्डिज ए टुर अफ नेपाल सिरिज अन्तर्गतको आज भएको खेलमा नेपालले १९.४ ओभरमा ६ विकेट गुमाउँदै लक्ष्य पूरा गरेको हो ।
टस जितेर वेस्ट इन्डिजलाई ब्याटिङको निम्ता दिएको नेपालले जितका लागि २०४ रनको विशाल लक्ष्य पाएको थियो । सो लक्ष्य १९.४ ओभरमा ६ विकेट गुमाएर पूरा गर्दै नेपालले शानदार जित हाँसिल गरेको हो ।
नेपालका लागि कप्तान रोहित पौडेलले शतक पूरा गरे । उनले ५४ बलमा ११२ रन बनाएका हुन् । दिपेन्द्र सिंह ऐरीले २४, कुशल भुर्तेल र मल्लले १६-१६ रन बनाएका थिए भने अन्य खेलाडीले दोहोरो अंकमा रन बनाउन सकेनन् ।
