काठमाडौं । दोस्रो एकदिवसीय श्रृंखला अन्तरगतको आजको खेलमा नेपाल ए ले लज्जास्पद हार व्यहोरेको छ । आयरल्यान्ड उल्भ्सविरुद्ध १७५ रनको लक्ष्य पच्छ्याएको नेपालले १६.५ ओभरमा ६० रन बनाउँदै अलआउट भएको हो ।
नेपालका लागि भीम सार्कीले १७ र विनोद भण्डारीले १६ रन जोड्नु बाहेक अन्य ब्याट्सम्यानले दोहोरो अंकमा रन बनाउन सकेनन् ।
नेपालका देव खनाल, आरिफ शेख, रिजन ढकाल, कमलसिंह ऐरी र मौसम ढकाल शून्य रनमा आउट भए ।
आयरल्याण्डका माथ्यू हम्फेस एक्लैले ६ विकेट लिए ।
यसअघि टस हारेर पहिलो ब्याटिङको निम्तो पाएको आयरल्यण्डले ३८ दशमलव ४ ओभरमा अलआउट हुँदै १७४ रन बनाएको थियो ।
