काठमाडौँ । सशस्त्र प्रहरी बलका एक डिएसपीको बुधबार मृत्यु भएको छ । इलामको पशुपतिनगर गुल्ममा कार्यरत डीएसपी प्रकाश कोइरालाको मृत्यु भएको हो ।
बुधबार साँझ ६ बजे एपीएफ अस्पतालमा उपचारको क्रममा उनको मृत्यु भएको जनाइएको छ । बुधबार उनी नेपाल–भारत सीमा क्षेत्रको माने भञ्ज्याङमा पट्रोलिङ गरेर फर्किएका थिए ।
पट्रोलिङबाट फर्किएपछि कार्यालयमै ढलेका उनलाई तत्कालै हेलिकप्टरबाट काठमाडौँ ल्याइएको थियोे । सशस्त्र प्रहरी बल प्रधान कार्यालयका अनुसार उनी एक महिनाअघि मात्रै पशुपतिनगरमा सरुवा भएर गएका थिए ।
हृदयाघातका कारण उनको मृत्यु भएको सशस्त्र प्रहरी अस्पतालले जनाएको छ ।
