कालिकोट । नेपाल रेडक्रस सोसाइटी जिल्ला शाखा, कालिकोटले विभिन्न स्वास्थ्य तथा विपद व्यवस्थापन सम्बन्धी सामग्रीहरु तिलागुफा नगरपालिकालाई हस्तान्तरण गरेको छ । मंगलबार नगरपालिका परिसरमा आयोजित एक कार्यक्रमका बिच जिल्ला शाखाका कोषाध्यक्ष कुलमान शाहीले नगरप्रमुख शंकर प्रसाद उपाध्यायलाई हस्तान्तरण गरेका हुन् ।
शाहीले हस्तान्तरण गरेका सामग्रीहरुमा १२ केजीको वासिङ मेसिन, इलेक्टृक हिटर २ थान, ३ सिटर चेयर ३ थान, वाटर डिस्पेन्सर, स्ट्रेचर ४० थान, अग्नि सामक यन्त्र २ थान रहेका छन् । यी सामग्री नगरपालिकाका स्वास्थ्य केन्द्रहरुका लागि हस्तान्तरण गरिएको हो ।
त्यसैगरी स्थानिय आपतकालीन कार्यसञ्चालन केन्द्रलाई पनि शाखाले खोज उद्दार तथा प्राथमिक उपचार सामग्री हस्तान्तरण गरेको छ । सोही कार्यक्रममा नगरका ११ माध्यमिक विद्यालयका जुनियर रेडक्रस सोसाइटीलाई प्राथमिक उपचार सामग्री हस्तान्तरण गरेको छ ।
