वीरगञ्ज । वीरगञ्ज महानगरपालिकाका मेयर राजेशमान सिंहविरुद्धको कीर्ते मुद्दा दर्ता भएको छ । जिल्ला प्रहरी कार्यालय पर्साले मेयर सिंहविरुद्धको कीर्ते मुद्दा दर्ता गरेको हो । मेयर सिंहमाथि उजुरी परेको लामो समय पछि प्रहरीले मुद्दा दर्ता गरेको हो ।
जिल्ला प्रहरी कार्यालय पर्साले बिहीबार मुद्दा दर्ता गरेर छानबिन प्रक्रिया अगाडि बढाएको जनाएको छ । गृहमन्त्री परिवर्तन भएसंगै मेयर सिंहमाथि मुुद्धा दर्ता गरिएको हो । जिल्ला सरकारी वकिलको कार्यालयबाट आएको पत्र बिहीबार दर्ता भएको प्रहरीले जनाएको छ । सो मुद्धाको दर्ता नः ८३७ रहेको बताइएको छ।
मेयर राजेशमानले आफ्नी छोरी भन्दै एक युवती रुविनालाई नागरिकता दिलाएका थिए । आकार्की छोरीलाई किर्ते कागजात बनाई छोरी बनाएर सिंहले नागरिकता दिलाएको भन्दै कारबाहीको माग गर्दै प्रहरीमा उजुरी परेपछि मुद्दा दर्ता गरेर अनुसन्धान प्रक्रिया अगाडि बढाइएको बताइएको छ । सरकारीमा वा सार्वजनिक लिखित कीर्ते गर्नेलाई सात वर्ष कैद र ७० हजार रुपैयाँसम्म जरिबाना हुुने कानुुनी व्यवस्था छ ।
