काठमाडौं । भारतको उत्तर प्रदेश स्थित गोरखपुर जिल्लाबाट नेपाल घुम्न आएका एक जना युवक कालीगण्डकी नदीमा बेपत्ता भएका छन् ।
पाल्पाको बगनासकाली गाउँपालिका ५ राम्दीघाट स्थित कालीगण्डकी नदीमा नुहाउने क्रममा बुधबार २५ वर्षीय शिवम पाण्डे बेपत्ता भएको प्रहरीले जनाएको छ ।
पाण्डे कालीगण्डकी नदीमा नुहाउने क्रममा बुधबार बेपत्ता भएका हुन् । उनीसँगै घुम्न आएका अन्य तीन जना भने सकुशल रहेको जनाइएको छ ।
पाली सेना, नेपाल प्रहरी र स्थानीयहरुको सहयोगमा पाण्डेको खोजी कार्य जारी रहेको प्रहरीले जनाएको छ ।
