काठमाडौं । काठमाडौंबाट २५ करोड रुपैयाँ नगदसहित दुई जना पक्राउ परेका छन् ।
प्रहरीको उपत्यका अपराध अनुसन्धान कार्यालयबाट खटिएको टोलीले काठमाडौंबाट दुई जनालाई पक्राउ गरेको हो । नेपाली रुपैयाँ, अमेरिकी डलर र युरोसहित उनीहरुलाई पक्राउ गरिएको उपत्यका अपराध अनुसन्धान कार्यालयले जनाएको छ ।
काठमाडौंको झोर महाकाल क्षेत्रबाट ना.१ ख १६५२ नम्बरको ट्रकबाट सो रकम बरामद गरिएको हो । ट्रक चालकसहित दुईजनालाई पक्राउ गरिएको प्रहरीले जनाएको छ ।
