काठमाडौं । जापानले ६ जना नेपाली नागरिकलाई निष्कासन गरेको छ । गलत कागजात पेस गरेको आरोपमा उनीहरूलाई जापानको अध्यागमनले निष्कासन गरेको हो ।
निष्कासनमा पर्नेमा चौधरी, कार्की, खड्का, गौतम, घर्ती मगर र भट्टचन थरका एक/एकजना रहेका छन् । उनीहरूलाई आइतबार नेपाल फर्काइएको हो ।
झुटो कागजात पेस गरेका आरोपमा उनीहरूलाई जापानको अध्यागमन प्रहरीले पक्राउ गरेको थियो ।
जापानले अघिल्लो साता दुई नेपाली नागरिकलाई निष्कासन गरेको थियो ।
