काठमाडौँ । जलस्रोत तथा सिँचाइ विभागका महानिर्देशक चार महिनामै परिवर्तन भएका छन् । ऊर्जा, जलस्रोत तथा सिँचाइ मन्त्रालयले छोटो अवधिमै विभागका नेतृत्व परिवर्तन गरेको हो ।
मन्त्री दीपक खड्काले यसअघि सात महिनामै हटाइएका सञ्जीव बराललाई पुनः विभागको महानिर्देशकको जिम्मेवारी दिएका छन् । बराललाई हटाएर चार महिनाअघि देवराज निरौलालाई विभागीय प्रमुख बनाइएको थियो ।
विभागको प्रगति लक्ष्यअनुसार अघि बढ्न नसकेपछि मन्त्री खड्का असन्तुष्ट बनेका थिए । विभागको समग्र प्रगति २१–२२ प्रतिशतभन्दा माथि नबढेपछि निरौलालाई हटाइएको बताइएको छ ।
