काठमाडौं । काठमाडौंमा राती सुतिरहेको ठाउँमा टिपरले ठक्कर दिँदा तीनजनाको मृत्यु भएको छ । शुक्रबार बिहान करिब पौने ४ बजे शंखरापुर नगरपालिका–६, साँखु सलम्बुटारस्थित साँखु–ब्रह्मखेल सडकखण्डमा बा २ क ६५८० नम्बरको टिपर अनियन्त्रित भई सडकछेउको टहरोमा पुग्दा सुतिरहेका तीनजनाको ज्यान गएको हो ।
मृत्यु हुनेमा २१ वर्षका आकाश र सुमन तथा ४५ वर्षका हरिजन रहेको प्रहरी प्रभाग साँखुले जनाएको छ । घाईते भएका उनीहरुको नेपाल मेडिकल कलेज अत्तरखेलमा उपचारका क्रममा मृत्यु भएको प्रहरीले जनाएको छ ।
द्वन्द्वपीडित तथा अपांग समाज संस्थाले बनाएको जस्ताको टहरामा टिपरले ठक्कर दिँदा सो घट्ना भएको हो । ६१ जना बस्ने गरेको टहरामा टिपरले ठक्कर दिएको कोठामा १० जना सुतिरहेका थिए ।
