काठमाडौं । १२ वटा मुद्दामा फरार महिलालाई प्रहरीले काठमाडौंबाट पक्राउ गरेको छ । पक्राउ पर्नेमा महाराजगन्ज घर भएकी ५७ वर्षीय सुधा बस्नेत रहेकी छिन् ।
बस्नेतलाई फैसला कार्यान्वयनको लागि पक्राउ गरिएको प्रहरीले जनाएको छ । उच्च अदालत पाटनबाट बैकिङ्ग कसुरको १२ वटा मुद्दा फैसला भएपछि उनी फरार थिइन् ।
उनीविरुद्ध ९० लाख ५० हजार रुपैयाँ बिगो र जरिवाना असुल गर्नुपर्ने अदालतको फैसला छ । बस्नेतलाई उच्च अदालत पाटनमा उपस्थित गराइएको प्रहरीले जनाएको छ ।
