काठमाडाैं । पशुपति धर्मशाला प्रकरणमा काठमाडौं महानगरपालिकाविरुद्ध उच्च अदालतको अर्को आदेश दिएको छ । उच्च अदालत पाटनले धर्मशालामा रहेका सबै व्यावसायिक क्रियाकलापलाई सञ्चालन गर्न दिन अन्तरिम आदेश दिएको हो ।
एसीएन ट्राभल्स एण्ड टुर्सले काठमाडौं महानगरपालिकाविरुद्ध दायर गरेको मुद्दामा अदालतले यस्तो आदेश सुनाएको हो । यसअघि सोही अदालतले मारवाडी सेवा समितिलाई पशुपति गौशाला धर्मशाला सञ्चालनमा अवरोध नपुर्याउन अन्तरिम आदेश दिएको थियो ।
महानगरपालिकाले धर्मशालाले चलाएको कारोबारमा अवरोध नगरे पनि भाडामा दिएका अन्य सटरहरू बन्द गराएको थियो । धर्मशालाको परिसरमा भाडामा सञ्चालन गर्दै आएको एक्त ट्राभल कम्पनी यसविरुद्ध अदालत गएको थियो ।
