काठमाडौं । नेपाल प्रिमियर लिगमा काठमान्डु गुर्खाजले पहिलो जित हात पारेको छ । एनपीएलमा आज भएको खेलमा कर्णाली याक्सलाई ४ विकेटले हराउँदै काठमान्डुले पहिलो जित हात पारेको हो ।
कर्णालीले निर्धारित २० ओभरमा ५ विकेट गुमाएर १४९ रन बनाएको थियो । जितका लागि १५० रनको लक्ष्य पाएको काठमान्डुले १९.३ ओभरमा ७ विकेट गुमाएर पुरा गर्यो ।
काठमान्डुका लागि सुमित महर्जनले ४० रन, इरासमसले ३८ रन, करण केसीले २८ रन र लेभिटले २२ रन लिए भने अन्य खेलाडीले दोहोरो रन बनाउन सकेनन् ।
यसअघि भएको खेलमा काठमान्डु चितवन राइनोजसंग ५ विकेट र कर्णाली जनकपुर बोल्ट्ससंग ८ विकेटले पराजित भएका थिए ।
