काठमाडौं । आईसीसी विश्वकप लिग-२ को तयारीका लागि श्रीलंका पुगेको नेपाली टोलीले आज आफ्नो पहिलो खेल्ने भएको छ । नेपाल क्रिकेट संघ (क्यान)ले यसअघि सार्वजनिक गरेको खेल तालिकामा परिवर्तन भएको जनाउँदै आज पहिलो खेल खेल्ने बताएको हो ।
नेपाल र श्रीलंका डेभलपमेन्टबीचको खेल विहान सवा १० बजे हुनेछ । यसअघि पहिलो एकदिवसीय खेल विहान साढे ९ बजे खेलाइने जनाइएको थियो ।
नेपालले घरेलु श्रीलंकासँग दोस्रो ओडीआई भाेलि बुधवार खेल्नेछ । बिहीवार नेपालले अभ्यास खेल खेलेपछि शुक्रवार तेस्रो तथा अन्तिम ओडीआई खेल्ने तालिका छ ।
नेपालले शनिवार अन्तिम अभ्यास खेल खेल्नेछ । यसअघि क्यानले श्रीलंका भ्रमणमा जाने टोलीले ३ ओटा अभ्यास र ३ ओटा एकदिवसीय खेल्ने जनाएको थियो ।
पछिल्लो तालिकामा नेपालले २ ओटामात्र अभ्यास खेल खेल्नेछ । विश्वकप लिग–२ आगामी सेप्टेम्बरमा क्यानडामा हुनेछ ।
