काठमाडौं । नेपाल विद्युत् प्राधिकरणले मर्मत सम्भार, भूमिगत केबल चार्जिङ तथा लोड सिफ्टिङका कारण शनिबार र आइतबार काठमाडौंका विभिन्न क्षेत्रमा विद्युत् आपूर्ति अवरुद्ध हुने जनाएको छ।
शनिबार कमलादी फिडरअन्तर्गतका क्षेत्रमा बिहान ८ बजेदेखि ११ बजेसम्म तथा बबरमहल र त्रिपुरेश्वर फिडरअन्तर्गतका विभिन्न क्षेत्रमा बिहान १० बजेदेखि बेलुका ५ बजेसम्म विद्युत् बन्द हुनेछ।
आइतबार त्रिपुरेश्वर फिडरअन्तर्गत टेकु सबस्टेसनदेखि त्रिपुरेश्वर चोकसम्म बिहान १० बजेदेखि बेलुका ५ बजेसम्म तथा थापाथली फिडरअन्तर्गतका क्षेत्रमा बिहान ८ बजेदेखि दिउँसो १२ बजेसम्म विद्युत् आपूर्ति अवरुद्ध हुने प्राधिकरणले जनाएको छ।
निर्धारित समयभन्दा अगावै काम सम्पन्न भएमा विद्युत् सेवा पुनः सञ्चालन गरिने प्राधिकरणले स्पष्ट पारेको छ।
