काठमाडौं । महोत्तरीमा गुडिरहेको टेम्पोमाथि रुख खस्दा दुई जनाको ज्यान गएको छ । शनिबार साँझ जलेश्वर–जनकपुरधाम सडक खण्डको परकौली ब्यारेक नजिकै रूख ढलेर किच्दा थप तीनजना घाइते भएका छन् ।
साँझ हावाहुरीसहित वर्षा भइरहेको बेला टेम्पोमाथि रुख खसेको प्रहरीले जनाएको छ । टेम्पोमा चालकसहित पाँच जना रहेकामा एक महिला र एक पुरूषको मृत्युु भएको थियो ।
घाइते भएका दुई पुरूष र एक महिलाको प्रादेशिक अस्पताल जलेश्वरमा उपचार भइरहेको बताइएको छ ।जिल्ला प्रहरी कार्यालय महोत्तरीले मृतकको सनाखत हुन नसकेको जनाएको छ ।
