बनेपा । रोशी खोलामा आएको बाढीले बगाएर एक कर्मचारीकाे मृत्यु भएको छ । बाढीले बगाएर डिभिजन सडक कार्यालय भक्तपुरमा कार्यरत रोशी गाउँपालिका-७ का ४० वर्षका कुन्साङ तामाङको मृत्यु भएको हाे ।
इलाका प्रहरी कार्यालय मङ्गलटारका अनुसार, साे कार्यालयका सुपरभाइजर तामाङ शुक्रबार रातको समयमा स्थायी रूपमा निर्माणाधीन विपी राजमार्गमा काम गर्ने क्रममा बाढीले बगाएको हाे ।
राति मोटरसाइकलमा सवार दुई जना खोला तर्न लाग्दा बग्न लागेपछि मोटरसाइकल छाडेर नजिकको स्काभेटरमा चढेको र उनीहरूलाई जोगाउन जाँदा तामाङलाई बाढीले बगाएको प्रहरीले जनाएको छ । साे बाढीले एक मोटरसाइकल र एक इलेक्ट्रिक गाडीसमेत बगाएको प्रहरीले जनाएको छ ।
