भक्तपुर । पूर्वगृहमन्त्री रमेश लेखक पक्राउ परेका छन् । मन्त्रिपरिषदको निर्णय र पक्राउ पुर्जीसहित शनिबार बिहानै भक्तपुर कटुन्जेस्थित निवासमा पुगेको प्रहरी टोलीले लेखकलाई पक्राउ गरेको हो ।
भदौ २३ गते जेन्जी आन्दोलनमा भएको गोलीकान्डमा तत्कालीन प्रधानमन्त्री केपी शर्मा ओली र तत्कालीन गृहमन्त्री रमेश लेखकलाई पूर्वन्यायाधीश गौरीबहादुर कार्की नेतृत्वको आयोगले दोषी ठहर गरेको थियाे ।
शुक्रबार रास्वपाका वरिष्ठ नेता बालेन शाहको नेतृत्वमा बनेको सरकारकाे पहिलो वैठकले तत्कालै प्रतिवेदन कार्यान्वयन गर्ने निर्णय गरेको थियो ।
साेहि निर्णयका अधारमा काठमाडौं प्रहरी परिसरको टोलीले उनलाई निवासबाट पक्राउ गरेको हो । उनलाई काठमाडौं प्रहरी परिसरमा राखिने भएको छ । उनलाई नियन्त्रणमा लिन ठुलाे संख्यामा सुरक्षाकर्मी कटुन्जे पुगेका थिए ।
