काठमाडौँ । नेपाल आयल निगम लिमिटेडले पेट्रोलियम पदार्थको मूल्य वृद्धि गरेको छ ।
अन्तरराष्ट्रिय बजारमा भएको मूल्य वृद्धि तथा आपूर्ति व्यवस्थापनको दबाबलाई कारण देखाउँदै निगमले पेट्रोल, डिजेल तथा मट्टीतेलको मूल्य वृद्धि गरेको हो ।
इण्डियन आयलबाट पेट्रोलमा प्रतिलिटर ३१, डिजेलमा प्रतिलिटर ५४ तथा खाना पकाउने एलपि ग्यासमा २१६ रूपैयाँ बढेर आएकोले निगमले मुल्य बढाएको जनाएको छ ।
पछिल्लो दुई सातायता खाडी राष्ट्रमा बढेको द्वन्द्वका कारण अन्तरराष्ट्रिय बजारमा मूल्य बढेको थियो ।
बढेको मुल्य सोमवार बिहानबाट लागू भएको छ । निगमका अनुसार, अब तेस्रो वर्ग अन्तर्गत पर्ने काठमाडौं, पोखरा र दिपायलमा पेट्रोलको मूल्य १७२ रुपैयाँ कायम भएको छ ।
त्यसैगरी डिजल र मट्टीतेलको मूल्य १५२ रुपैयाँ पुगेको छ । ग्यास र हवाई इन्धनको मुल्य भने हाललाई यथावत राखिएको निगमका प्रबक्ता मनोज ठाकुरले बताए ।
