काठमाडौं । बेलायती राजा चार्ल्सका भाइ एन्ड्रयू माउन्टबेटन-विन्डसर पक्राउ परेका छन्। जेफ्री एपस्टिनलाई गोप्य सरकारी कागजातहरू पठाएको आरोपमा उनलाई सार्वजनिक पदमा बसेर पदीय मर्यादाविपरितको काम गरेको अभियोगमा बिहीबार पक्राउ गरिएको बीबीसीले रिपोर्ट गरेको छ।
अमेरिले सार्वजनिक गरेको फाइल अनुसार, थेम्स भ्याली प्रहरीले विन्डसरले दोषी ठहरिएका यौन दिवंगत अपराधी एपस्टिनलाई कागजातहरू दिएको आरोपमाथि अधिकारीहरूले विचार गरिरहेको यसै महिनाको सुरुमा बताएको थियो।
प्रहरीले भनेको छ, ‘थेम्स भ्याली प्रहरीले सार्वजनिक पदको दुरुपयोग गरेको अपराधको अनुसन्धान सुरु गरेको छ। नोर्फोकबाट ६० वर्ष आसपासका एक व्यक्तिलाई पक्राउ गरिएको छ र उनी प्रहरी हिरासतमा छन्। राष्ट्रिय निर्देशन अनुसार हामी पक्राउ परेका व्यक्तिको नाम सार्वजनिक गर्ने छैनौं।’
अखबारहरूले यसअघि सार्वजनिक गरेको रिपोर्टअनुसार ६ वटा ट्याग नभएका प्रहरी कारहरू र लगभग आठजना सादा पोशाक लगाएका अधिकारीहरू पूर्वी इङ्गल्याण्डको स्यान्ड्रिङ्घम इस्टेटमा रहेको वुड फार्ममा आइपुगेका थिए। जहाँ माउन्टबेटन(विन्डसर बस्ने गरेका थिए।
स्वर्गीय रानी एलिजाबेथका दोस्रो छोरा पूर्व राजकुमारले एपस्टिनको सम्बन्धबाट कुनै पनि गलत काम नगरेको दाबी गर्दै आएका छन्। उनले एपस्टिनसँग मित्रताले पछुतो हुने गरेको बताउने गरेका छन्।
पूर्वराजकुमारको पक्राउबारे बकिङ्घम दरबारबाट तत्काल कुनै टिप्पणी आएको छैन।
सन् २००८ मा नाबालिकाबाट वेश्यावृत्ति गराउन खोजेको अभियोगमा दोषी ठहरिएका एपस्टाइनसँग सम्बन्धित ३० लाख पृष्ठभन्दा बढी कागजातहरू सार्वजनिक भएपछि राजतन्त्र विरोधी अभियान समूह रिपब्लिकले पूर्वराजकुमार विरुद्ध प्रहरीमा रिपोर्ट गरेको बताइएको छ
सार्वजनिक फाइलहरूमा माउन्टबेटन(विन्डसरले २०१० मा भियतनाम, सिंगापुरलगायत आधिकारिक यात्राहरूमा भ्रमण गरेका अन्य ठाउँहरूको बारेमा एपस्टाइनलाई रिपोर्टहरू पठाएको दाबी गरिएको छ।
