काठमाडौँ। ग्लोबल आइएमई बैंक लिमिटेडले आर्थिक वर्ष २०८१/८२ का लागि सेयर धनीहरूलाई ८ प्रतिशत नगद लाभांश वितरण गर्ने प्रस्ताव गरेको छ।
बैंकले हाल कायम चुक्ता पुँजीको ८ प्रतिशत दरले (कर प्रयोजनार्थ सहित) नगद लाभांश दिने निर्णय गरेको हो। यो प्रस्ताव नेपाल राष्ट्र बैंकको स्वीकृतिपछि बैंकको आगामी वार्षिक साधारण सभाबाट पारित भएपछि कार्यान्वयनमा ल्याइनेछ।
ग्लोबल आइएमई बैंकले हालसम्म ग्लोबल फाइनान्सको “बेष्ट बैंक अवार्ड २०२४” र “२०२५” साथै युरो मनी अवार्ड फर एक्सलेन्स २०२४ अन्तर्गत दुई विधामा नेपालको उत्कृष्ट बैंकको रूपमा सम्मान प्राप्त गरेको छ। साथै, यसअघि पनि युरो मनी अवार्ड फर एक्सलेन्स २०२२, २०२४ र २०२५ मा “बेष्ट बैंक” का रूपमा सम्मानित भइसकेको छ।
नेपालका सबै ७७ जिल्लामा शाखा सञ्जाल विस्तार गरेको ग्लोबल आइएमई बैंक निजी क्षेत्रको पहिलो वाणिज्य बैंक हो। हाल बैंकले ३५२ शाखा कार्यालय, ३८४ एटिएम, १५५ शाखा रहित बैंकिङ सेवा केन्द्र, ६८ एक्सटेन्सन तथा राजश्व संकलन काउन्टर, र ३ वटा वैदेशिक प्रतिनिधि कार्यालयमार्फत १,००० भन्दा बढी सेवा केन्द्रहरूबाट ग्राहकलाई सेवा प्रदान गर्दै आएको छ।
बैंकले देशभित्रका नागरिकहरूलाई विविध बैंकिङ सेवा प्रदान गर्नुका साथै विदेशस्थित नेपालीहरूका लागि रेमिट्यान्स सेवासमेत सञ्चालन गर्दै आएको छ। हाल बैंकले संयुक्त राज्य अमेरिका, संयुक्त अधिराज्य, क्यानडा, अष्ट्रेलिया, मलेसिया, दक्षिण कोरिया, जापान, साउदी अरब, कतार, यूएई, बहराइन, कुवेत, भारत, जोर्डनलगायत देशहरूबाट रेमिट्यान्स सेवा उपलब्ध गराइरहेको छ।
